ഇന്‍റര്‍വ്യൂ
====== എന്താ ഒരു പ്രകാശധോരണി ! ഇങ്ങനെയുമുണ്ടോ ഒരു ധോരണി . സെക്രട്ടറിയേറ്റുകള്‍ ഏറെ കണ്ടിട്ടുണ്ട്, എന്നാല്‍ ഇങ്ങനെയൊന്ന് ആദ്യമായാണ്. അതിനിപ്പോള്‍ ഇതിനുമുമ്പ് പുറത്തുനിന്നുകണ്ടതല്ലാതെ ഇതിന്‍റെ ഉള്ളിലേക്ക് കടക്കുന്നത് ആദ്യമായാണല്ലോ.
"പതിനേഴ് "പതിനേഴേ ആയിട്ടുള്ളു . നാല്പത്തിയൊന്നാണ് തന്‍റെ സ്ഥാനം . കുറേ കാത്തുനില്ക്കേണ്ടിവരും . ഇങ്ങനെയൊരു ഇന്‍റര്‍വ്യൂവിന് ആദ്യമായി വരുന്നതിന്‍റെ പരിഭ്രമമോ വരിനില്ക്കുന്നതിന്‍റെ അക്ഷമയോ തോന്നുന്നില്ല എന്നതാണത്ഭുതം. . മനസ്സ് ശാന്തമാണ് . മനസ്സിനുശാന്തത നല്കുന്ന സംഗീതധോരണിയുമുണ്ടല്ലോ . സ്വകാര്യബസ്സുകളിലെപ്പോലെ കാതടപ്പിക്കുന്നതോ കാതുകള്‍ക്ക് അസഹ്യതയുണ്ടാക്കുന്നതോ ആയ ധോരണിയല്ല , വളരെ സൌമ്യമായി കാതിലോതുന്ന പ്രണയമന്ത്രണം. എന്നാലും മുറിയിലേക്കുവിളിപ്പിക്കാതെ തുറന്നസ്ഥലത്തുവച്ച് ഇന്‍റര്‍വ്യൂ നടത്തുന്നതെന്താണാവോ . വെറുതേ അതുമിതും ചിന്തിച്ച് നേരംകളയാതെ ഇന്‍റര്‍വ്യൂവിന്‍റെ ചോദ്യങ്ങളൊക്കെ ശ്രദ്ധിക്കാമായിരുന്നു . ഒന്നുനോക്കിക്കളയാം .
"ഇരുപത്"
"ഹാജര്‍"
"പേര്?"
"സച്ചിദാനന്ദകൃഷ്ണമേനോന്‍ "
"കുടുംബാംഗങ്ങളുടെ പേരല്ല ചോദിച്ചത്."
"ഇതെന്‍റെ പേരാണ്"
"വയസ്സ്"
"നാല്പത്തിമൂന്ന്"
"പഠിപ്പ് ?"
"എം.ഏ. എമ്മെസ്സി."
"ജോലി?"
"അതില്ലാത്തതുകൊണ്ടാണല്ലോ ഇങ്ങോട്ടുപോരേണ്ടിവന്നത് ."
"ഇവിടുത്തെ രേഖകളനുസരിച്ച് പറഞ്ഞതെല്ലാം ശരിയാണ്. വിഷംകഴിച്ചത് ശിക്ഷ അര്‍ഹിക്കുന്ന കുറ്റമാണ്. ദേശിനി നൂറ്റിമുപ്പത്തിനാലാം വകുപ്പനുസരിച്ച് പന്ത്രണ്ടുദിവസം തലകീഴായി കെട്ടിത്തൂക്കി താഴെ വെള്ളം തിളപ്പിക്കുകയും അതിനുശേഷം പതിനാലുവര്‍ഷം പുളിയിലക്കൂമ്പിള്‍ക്കൊണ്ട് പൂന്തോട്ടം നനക്കുകയും ചെയ്യേണ്ടതാണ് . അത്രയും കാലത്തെ പ്രവര്‍ത്തനങ്ങള്‍ നിരീക്ഷിച്ചതിനുശേഷം അടുത്തവിധി പ്രഖ്യാപിക്കുന്നതാണ് . എന്നാല്‍ നാളിതുവരെ ചെയ്ത പുണ്യപാപങ്ങള്‍ തുലനംചെയ്തുനോക്കുമ്പോള്‍ പുണ്യപ്രവൃത്തികളുടെ വെയിറ്റേജിനര്‍ഹതയുണ്ട് . അതുകൂടി ചേര്‍ക്കുമ്പോള്‍ ശിക്ഷയില്‍ ഇളവുവരുത്താവുന്നതാണ് . നടേപറഞ്ഞ തോട്ടം നനയ്ക്കലിന് പുളിയിലക്കൂമ്പിളിനുപകരം പ്ലാവിലക്കൂമ്പിള്‍ ഉപയോഗിക്കാന്‍ അനുവദിച്ചുകൊണ്ട് ഉത്തരവാകുന്നു."ശ്ശോ! എന്തൊരു വിധി ! ഈ ദേശിനി എന്താണാവോ .
"എന്താ ചോദിച്ചത്?" കാവല്‍ഭടനാണ് . തന്‍റെ ആത്മഗതം ഉച്ചത്തിലായെന്നുതോന്നുന്നു.
" ഒന്നുമില്ല" ഇനി അതിന്‍റെപേരില്‍ മാര്‍ക്കുകുറഞ്ഞാലോ.
"നുണ. നിങ്ങള്‍ എന്തെങ്കിലും ചിന്തിച്ചാലും ഞങ്ങള്‍ക്ക് അത് ഉച്ചത്തില്‍ കേള്‍ക്കാം . അതെല്ലാം നിമിഷങ്ങള്‍ വ്യത്യാസമില്ലാതെ ഇവിടെ രേഖപ്പെടുത്തുന്നുമുണ്ട്."പുലിവാലായല്ലോ. ഇങ്ങനെയൊരു ടെക്നോളജി ആദ്യമായാണ് കാണുന്നത്.
" ഒരു പുലിവാലുമില്ല . നല്ലതുമാത്രം ചിന്തിക്കുക . ദേശിനി എന്താണെന്നല്ലേ അറിയേണ്ടത് ? പറയാം . അത് ഇവിടെ നിലവിലുള്ള നിയമമാണ്. ദേവലോകശിക്ഷാനിയമം . ദേവലോകത്തിന്‍റെ കീഴിലാണ് ഈ കോടതിയും സ്വര്‍ഗ്ഗവും നരകവുമെല്ലാം പ്രവര്‍ത്തിക്കുന്നത് ."
"അപ്പോഴിത് കോടതിയാണോ ?"
"അതറിയാതെയാണോ ഇവിടെ നില്ക്കുന്നത് ?
" ഞാന്‍ ഇന്‍റര്‍വ്യൂവിന് ഹാജരാകാന്‍ കത്ത് കിട്ടിയിട്ട് വന്നതാണ് . ആദ്യമേ ഒരു പന്തികേട് തോന്നിയിരുന്നു .സ്വര്‍ണ്ണക്കസവ് മുണ്ടും മേല്‍മുണ്ടും തലപ്പാവും കുന്തവും എല്ലാംകൂടെ ...."
"മതിമതി . നിങ്ങള്‍ക്ക് ഇന്‍റര്‍വ്യൂവിന് വന്നതുവരെയേ ഓര്‍മ്മയുള്ളു. നൂറ്റിപ്പതിനേഴാമത്തെ ഇന്‍റര്‍വ്യൂവിലും തോറ്റപ്പോള്‍ നിങ്ങള്‍ ആ കെട്ടിടത്തിന്‍റെ പന്ത്രണ്ടാംനിലയില്‍നിന്ന് താഴേക്കുചാടി . നിങ്ങളുടെ ആത്മാവിനെ വിചാരണയ്ക്കായി കൊണ്ടുവന്നിരിക്കയാണ് . ഇത് യമധര്‍മ്മന്‍സാറിന്‍റെ കോടതിയാണ് ." ചിരിക്കാതെന്തുചെയ്യാന്‍ . ഓ! ഇന്‍റര്‍വ്യൂവിന് വന്നവരുടെ ടെന്‍ഷന്‍ കുറയ്ക്കാന്‍ പലതും ചെയ്യാന്‍പോകുന്നുവെന്ന് കേട്ടു. എന്നാലല്ലേ ശരിയായ കഴിവുകള്‍ വിലയിരുത്താന്‍ കഴിയൂ. അതിന്‍റെ ഭാഗമാകും . കമ്പ്യൂട്ടറിന്‍റെ മുന്നില്‍ ഉള്ള ഉദ്യോഗസ്ഥന്‍ തലപ്പാവും ഉത്തരീയവുമിട്ടിട്ടാണ് ഇരിക്കുന്നത്.
"കളിയാക്കിച്ചിരിക്കണ്ട . നിങ്ങളുടെ ഓരോ ചിന്തയും ഇവിടെ രേഖപ്പെടുത്തുന്നുണ്ടെന്നറിയാമല്ലോ . തലപ്പാവും ഉത്തരീയവുമിട്ടിരിക്കുന്ന ആളെക്കുറിച്ചല്ലേ നിങ്ങള്‍ക്കറിയേണ്ടത് ? പറഞ്ഞുതരാം . അതാണ് ഇവിടുത്തെ അക്കൌണ്ടന്‍റ് ജനറല്‍ ചിത്രഗുപ്തന്‍ സര്‍ . ഭൂമിയില്‍ നടക്കുന്ന ഒരു ചെറുചലനം പോലും അദ്ദേഹത്തിന്‍റെ കമ്പ്യൂട്ടറില്‍ രേഖപ്പെടുത്തും. നിങ്ങള്‍ ഓരോ നിമിഷവും ചിന്തിക്കുന്നതുപോലും നിങ്ങളുടെ അക്കൌണ്ടില്‍ വരും. അദ്ദേഹത്തിന്‍റെ റിപ്പോര്‍ട്ട് അനുസരിച്ചാണ് നിങ്ങളുടെ വിധിനിര്‍ണ്ണയിക്കുക ."
"അപ്പോള്‍ ഞാന്‍ മരിച്ചുവെന്നാണോ പറയുന്നത്?"
"സംശയമുണ്ടെങ്കില്‍ ഒരുനിമിഷം കണ്ണടച്ച് ഭൂമിയിലെ രംഗങ്ങള്‍ കാണണമെന്ന് സ്മരിക്കൂ . ഇപ്പോള്‍ നിങ്ങള്‍ക്കതിനുള്ള കഴിവുണ്ട്."
"അയ്യോ! ആ മേശപ്പുറത്തുകിടക്കുന്നത് ഞാനല്ലേ . എന്‍റെ വയര്‍ കീറിമുറിക്കുന്നു ."
"അതെ, ആത്മത്യചെയ്തവരെ ഭൂമിയിലെ നിയമമനുസരിച്ച് പോസ്റ്റ്മോര്‍ട്ടം ചെയ്യേണ്ടതാണല്ലോ . ഇനി പൊതിഞ്ഞുകെട്ടി വീട്ടുകാരെ ഏല്പിക്കും."
"അപ്പോള്‍ എനിക്കിനി ബന്ധുക്കളെയൊന്നും കാണാന്‍ കഴിയില്ലേ ?"
"ബന്ധുക്കളൊക്കെ മരിക്കുന്നതുവരെ മാത്രം . അവരുടെ സമാധാനത്തിന് അവര്‍ ബലിയിടും . അതുതന്നെ പലപ്പോഴും മരിച്ചവരുടെ ആത്മാവ് ശല്യപ്പെടുത്തുമോ എന്ന ഭയം‍കൊണ്ടാകും . അതോടെ പലപ്പോഴും ആ അദ്ധ്യായം അവസാനിക്കും ."
"നാല്പത്തിയൊന്ന് "
"വേഗം ചെല്ലൂ. നിങ്ങളെയാണ് വിളിക്കുന്നത്."നാലഞ്ചുപേര്‍ ഇരിക്കുന്നുണ്ട്. പേരുംനാളുമൊക്കെ ചോദിച്ചുകഴിഞ്ഞപ്പോള്‍ ഭയം തുടങ്ങി. ഇനി വിധിപ്രഖ്യാപനമാണല്ലോ .
"ആത്മഹത്യക്കുറ്റമാണ് നിങ്ങളുടെ പേരിലുള്ളതെങ്കിലും അതിലുംവലിയ ഒരു കുറ്റം നിങ്ങളുടെ അക്കൌണ്ടില്‍ കാണുന്നു . നിങ്ങള്‍ മൂന്നുപെണ്‍കുട്ടികളെ വിവാഹവാഗ്ദാനം നല്കി മോഹിപ്പിച്ചുവഞ്ചിച്ചു . നിങ്ങളെ ഭൂമിയിലേക്ക് ചുഴറ്റിയെറിയാനും ഗതികിട്ടാത്ത ആത്മാവായി മുന്നൂറുവര്‍ഷം കഴിയാനും വിധിച്ചിരിക്കുന്നു . മുന്നൂറുവര്‍ഷത്തെ നരകവാസം സോറി ഭൂമിവാസം കഴിഞ്ഞ് ബാക്കികാര്യങ്ങള്‍ തീരുമാനിക്കുന്നതായിരിക്കും ."
"പൊറുക്കണേ. ഭൂമിവാസം എന്നത് നരകവാസമാക്കി ശിക്ഷയില്‍ ഇളവുതരാന്‍ കനിവുണ്ടാകണേ"
"ഇയാളെ ഭൂമിയിലേക്ക് ചുഴറ്റിയെറിയൂ"പറഞ്ഞുതീരേണ്ടതാമസം , എന്തൊരേറാണെറിഞ്ഞത് . അതിവേഗത്തില്‍ ഭൂമിയിലേക്ക് പതിക്കുകയാണല്ലോ . എവിടെയെങ്കിലും ഒന്നുപിടിക്കാന്‍ കഴിഞ്ഞെങ്കില്‍ . ഹാവൂ . ഒരുമരക്കമ്പുതടഞ്ഞല്ലോ . ഇതില്‍ മുറുകെപ്പിടിക്കുകതന്നെ . മരം തന്നെപ്പിടിച്ച് തള്ളുന്നു. ഇതെന്തത്ഭുതം ! പരലോകത്തെ മരമായിരിക്കും . അയ്യോ, മരത്തിന്‍റെ ചവിട്ടിനെന്തുശക്തി . ഇതാ പേമാരിയും വരുന്നു. കൊടുങ്കാറ്റുമുണ്ടെന്നുതോന്നുന്നു .ശക്തിയായി കുലുങ്ങുന്നു. ഭൂമിയിലേക്ക് വീണുവെന്നുതോന്നുന്നു .
"എടോ മനുഷ്യാ, താനാളെക്കൊല്ലാനിറങ്ങിയിരിക്കുകയാണോ ? "എവിടുന്നാണൊരാക്രോശം ? ഒരുസ്ത്രീയുടെ ശബ്ദം . കണ്ണുതുറന്നു. ഒരു മുറിയാണ്. താഴെ തറയില്‍ താന്‍ കിടക്കുന്നു . പരലോകത്തുനിന്നും താന്‍ വന്നുവീണത് ഈ സ്ത്രീയുടെ മുറിയിലായിരിക്കും . പാവം , രാത്രി തന്‍റെ കിടപ്പുമുറിയില്‍ ഒരു പുരുഷന്‍ കിടക്കുന്നതുകണ്ടാല്‍ ഏതു സ്ത്രീയാണ് ബഹളം കൂട്ടാതിരിക്കുക . പെട്ടെന്നാണോര്‍മ്മവന്നത്. മൂന്നുസ്ത്രീകളെ വഞ്ചിച്ചതിനാണ് ഇപ്പോഴീശിക്ഷ . ഇനി ഇതുകൂടിയായാല്‍ നാനൂറുവര്‍ഷമാകും .
"പെങ്ങളേ, അറിയാതെ പറ്റിയതാണ് . കഴിഞ്ഞതിലൊക്കെ പശ്ചാത്താപമുണ്ട്. ഇനിയൊരുപെണ്ണിനേയും ഞാന്‍ വഞ്ചിക്കില്ല ."
"നിങ്ങളൊന്നെഴുന്നേറ്റേ എന്‍റെ മനുഷ്യാ ."പെട്ടെന്നാണ് സ്ഥലകാലബോധമുണ്ടായത്. ഇതുതന്‍റെ കിടപ്പുമുറിയാണല്ലോ . ഭാര്യ കലിതുള്ളിനില്ക്കുന്നുണ്ട് .
"ഞാനിവിടെ ?"
"ഓ! കഴുത്തിനുപിടിച്ചത് മുറുകിയപ്പോള്‍ ശ്വാസം കിട്ടാതായി . കട്ടിലില്‍നിന്ന് വീഴുമെന്ന് കരുതിയില്ല . "
"നാളെ ജോലിക്ക് ആളുകളെ ഇന്‍റര്‍വ്യൂ ചെയ്യാനുള്ളതല്ലേ . ഓരോന്നാലോചിച്ചുകിടന്ന് ഒരിന്‍റര്‍വ്യൂ സ്വപ്നം കണ്ടതാ . ചുമ്മാ ക്ഷമിച്ചേക്ക്."
"അതൊക്കെ പോകട്ടെ , കഴിഞ്ഞതില്‍ പശ്ചത്താപമുണ്ടെന്നും ഇനിയൊരുപെണ്ണിനേയും വഞ്ചിക്കില്ല എന്നും പറഞ്ഞല്ലോ . ആരെയൊക്കെയാണ് ഇതുവരെ വഞ്ചിച്ചത് ?" ഈ ചതി എന്നോടുവേണമായിരുന്നോ കാലാ !
====== എന്താ ഒരു പ്രകാശധോരണി ! ഇങ്ങനെയുമുണ്ടോ ഒരു ധോരണി . സെക്രട്ടറിയേറ്റുകള്‍ ഏറെ കണ്ടിട്ടുണ്ട്, എന്നാല്‍ ഇങ്ങനെയൊന്ന് ആദ്യമായാണ്. അതിനിപ്പോള്‍ ഇതിനുമുമ്പ് പുറത്തുനിന്നുകണ്ടതല്ലാതെ ഇതിന്‍റെ ഉള്ളിലേക്ക് കടക്കുന്നത് ആദ്യമായാണല്ലോ.
"പതിനേഴ് "പതിനേഴേ ആയിട്ടുള്ളു . നാല്പത്തിയൊന്നാണ് തന്‍റെ സ്ഥാനം . കുറേ കാത്തുനില്ക്കേണ്ടിവരും . ഇങ്ങനെയൊരു ഇന്‍റര്‍വ്യൂവിന് ആദ്യമായി വരുന്നതിന്‍റെ പരിഭ്രമമോ വരിനില്ക്കുന്നതിന്‍റെ അക്ഷമയോ തോന്നുന്നില്ല എന്നതാണത്ഭുതം. . മനസ്സ് ശാന്തമാണ് . മനസ്സിനുശാന്തത നല്കുന്ന സംഗീതധോരണിയുമുണ്ടല്ലോ . സ്വകാര്യബസ്സുകളിലെപ്പോലെ കാതടപ്പിക്കുന്നതോ കാതുകള്‍ക്ക് അസഹ്യതയുണ്ടാക്കുന്നതോ ആയ ധോരണിയല്ല , വളരെ സൌമ്യമായി കാതിലോതുന്ന പ്രണയമന്ത്രണം. എന്നാലും മുറിയിലേക്കുവിളിപ്പിക്കാതെ തുറന്നസ്ഥലത്തുവച്ച് ഇന്‍റര്‍വ്യൂ നടത്തുന്നതെന്താണാവോ . വെറുതേ അതുമിതും ചിന്തിച്ച് നേരംകളയാതെ ഇന്‍റര്‍വ്യൂവിന്‍റെ ചോദ്യങ്ങളൊക്കെ ശ്രദ്ധിക്കാമായിരുന്നു . ഒന്നുനോക്കിക്കളയാം .
"ഇരുപത്"
"ഹാജര്‍"
"പേര്?"
"സച്ചിദാനന്ദകൃഷ്ണമേനോന്‍ "
"കുടുംബാംഗങ്ങളുടെ പേരല്ല ചോദിച്ചത്."
"ഇതെന്‍റെ പേരാണ്"
"വയസ്സ്"
"നാല്പത്തിമൂന്ന്"
"പഠിപ്പ് ?"
"എം.ഏ. എമ്മെസ്സി."
"ജോലി?"
"അതില്ലാത്തതുകൊണ്ടാണല്ലോ ഇങ്ങോട്ടുപോരേണ്ടിവന്നത് ."
"ഇവിടുത്തെ രേഖകളനുസരിച്ച് പറഞ്ഞതെല്ലാം ശരിയാണ്. വിഷംകഴിച്ചത് ശിക്ഷ അര്‍ഹിക്കുന്ന കുറ്റമാണ്. ദേശിനി നൂറ്റിമുപ്പത്തിനാലാം വകുപ്പനുസരിച്ച് പന്ത്രണ്ടുദിവസം തലകീഴായി കെട്ടിത്തൂക്കി താഴെ വെള്ളം തിളപ്പിക്കുകയും അതിനുശേഷം പതിനാലുവര്‍ഷം പുളിയിലക്കൂമ്പിള്‍ക്കൊണ്ട് പൂന്തോട്ടം നനക്കുകയും ചെയ്യേണ്ടതാണ് . അത്രയും കാലത്തെ പ്രവര്‍ത്തനങ്ങള്‍ നിരീക്ഷിച്ചതിനുശേഷം അടുത്തവിധി പ്രഖ്യാപിക്കുന്നതാണ് . എന്നാല്‍ നാളിതുവരെ ചെയ്ത പുണ്യപാപങ്ങള്‍ തുലനംചെയ്തുനോക്കുമ്പോള്‍ പുണ്യപ്രവൃത്തികളുടെ വെയിറ്റേജിനര്‍ഹതയുണ്ട് . അതുകൂടി ചേര്‍ക്കുമ്പോള്‍ ശിക്ഷയില്‍ ഇളവുവരുത്താവുന്നതാണ് . നടേപറഞ്ഞ തോട്ടം നനയ്ക്കലിന് പുളിയിലക്കൂമ്പിളിനുപകരം പ്ലാവിലക്കൂമ്പിള്‍ ഉപയോഗിക്കാന്‍ അനുവദിച്ചുകൊണ്ട് ഉത്തരവാകുന്നു."ശ്ശോ! എന്തൊരു വിധി ! ഈ ദേശിനി എന്താണാവോ .
"എന്താ ചോദിച്ചത്?" കാവല്‍ഭടനാണ് . തന്‍റെ ആത്മഗതം ഉച്ചത്തിലായെന്നുതോന്നുന്നു.
" ഒന്നുമില്ല" ഇനി അതിന്‍റെപേരില്‍ മാര്‍ക്കുകുറഞ്ഞാലോ.
"നുണ. നിങ്ങള്‍ എന്തെങ്കിലും ചിന്തിച്ചാലും ഞങ്ങള്‍ക്ക് അത് ഉച്ചത്തില്‍ കേള്‍ക്കാം . അതെല്ലാം നിമിഷങ്ങള്‍ വ്യത്യാസമില്ലാതെ ഇവിടെ രേഖപ്പെടുത്തുന്നുമുണ്ട്."പുലിവാലായല്ലോ. ഇങ്ങനെയൊരു ടെക്നോളജി ആദ്യമായാണ് കാണുന്നത്.
" ഒരു പുലിവാലുമില്ല . നല്ലതുമാത്രം ചിന്തിക്കുക . ദേശിനി എന്താണെന്നല്ലേ അറിയേണ്ടത് ? പറയാം . അത് ഇവിടെ നിലവിലുള്ള നിയമമാണ്. ദേവലോകശിക്ഷാനിയമം . ദേവലോകത്തിന്‍റെ കീഴിലാണ് ഈ കോടതിയും സ്വര്‍ഗ്ഗവും നരകവുമെല്ലാം പ്രവര്‍ത്തിക്കുന്നത് ."
"അപ്പോഴിത് കോടതിയാണോ ?"
"അതറിയാതെയാണോ ഇവിടെ നില്ക്കുന്നത് ?
" ഞാന്‍ ഇന്‍റര്‍വ്യൂവിന് ഹാജരാകാന്‍ കത്ത് കിട്ടിയിട്ട് വന്നതാണ് . ആദ്യമേ ഒരു പന്തികേട് തോന്നിയിരുന്നു .സ്വര്‍ണ്ണക്കസവ് മുണ്ടും മേല്‍മുണ്ടും തലപ്പാവും കുന്തവും എല്ലാംകൂടെ ...."
"മതിമതി . നിങ്ങള്‍ക്ക് ഇന്‍റര്‍വ്യൂവിന് വന്നതുവരെയേ ഓര്‍മ്മയുള്ളു. നൂറ്റിപ്പതിനേഴാമത്തെ ഇന്‍റര്‍വ്യൂവിലും തോറ്റപ്പോള്‍ നിങ്ങള്‍ ആ കെട്ടിടത്തിന്‍റെ പന്ത്രണ്ടാംനിലയില്‍നിന്ന് താഴേക്കുചാടി . നിങ്ങളുടെ ആത്മാവിനെ വിചാരണയ്ക്കായി കൊണ്ടുവന്നിരിക്കയാണ് . ഇത് യമധര്‍മ്മന്‍സാറിന്‍റെ കോടതിയാണ് ." ചിരിക്കാതെന്തുചെയ്യാന്‍ . ഓ! ഇന്‍റര്‍വ്യൂവിന് വന്നവരുടെ ടെന്‍ഷന്‍ കുറയ്ക്കാന്‍ പലതും ചെയ്യാന്‍പോകുന്നുവെന്ന് കേട്ടു. എന്നാലല്ലേ ശരിയായ കഴിവുകള്‍ വിലയിരുത്താന്‍ കഴിയൂ. അതിന്‍റെ ഭാഗമാകും . കമ്പ്യൂട്ടറിന്‍റെ മുന്നില്‍ ഉള്ള ഉദ്യോഗസ്ഥന്‍ തലപ്പാവും ഉത്തരീയവുമിട്ടിട്ടാണ് ഇരിക്കുന്നത്.
"കളിയാക്കിച്ചിരിക്കണ്ട . നിങ്ങളുടെ ഓരോ ചിന്തയും ഇവിടെ രേഖപ്പെടുത്തുന്നുണ്ടെന്നറിയാമല്ലോ . തലപ്പാവും ഉത്തരീയവുമിട്ടിരിക്കുന്ന ആളെക്കുറിച്ചല്ലേ നിങ്ങള്‍ക്കറിയേണ്ടത് ? പറഞ്ഞുതരാം . അതാണ് ഇവിടുത്തെ അക്കൌണ്ടന്‍റ് ജനറല്‍ ചിത്രഗുപ്തന്‍ സര്‍ . ഭൂമിയില്‍ നടക്കുന്ന ഒരു ചെറുചലനം പോലും അദ്ദേഹത്തിന്‍റെ കമ്പ്യൂട്ടറില്‍ രേഖപ്പെടുത്തും. നിങ്ങള്‍ ഓരോ നിമിഷവും ചിന്തിക്കുന്നതുപോലും നിങ്ങളുടെ അക്കൌണ്ടില്‍ വരും. അദ്ദേഹത്തിന്‍റെ റിപ്പോര്‍ട്ട് അനുസരിച്ചാണ് നിങ്ങളുടെ വിധിനിര്‍ണ്ണയിക്കുക ."
"അപ്പോള്‍ ഞാന്‍ മരിച്ചുവെന്നാണോ പറയുന്നത്?"
"സംശയമുണ്ടെങ്കില്‍ ഒരുനിമിഷം കണ്ണടച്ച് ഭൂമിയിലെ രംഗങ്ങള്‍ കാണണമെന്ന് സ്മരിക്കൂ . ഇപ്പോള്‍ നിങ്ങള്‍ക്കതിനുള്ള കഴിവുണ്ട്."
"അയ്യോ! ആ മേശപ്പുറത്തുകിടക്കുന്നത് ഞാനല്ലേ . എന്‍റെ വയര്‍ കീറിമുറിക്കുന്നു ."
"അതെ, ആത്മത്യചെയ്തവരെ ഭൂമിയിലെ നിയമമനുസരിച്ച് പോസ്റ്റ്മോര്‍ട്ടം ചെയ്യേണ്ടതാണല്ലോ . ഇനി പൊതിഞ്ഞുകെട്ടി വീട്ടുകാരെ ഏല്പിക്കും."
"അപ്പോള്‍ എനിക്കിനി ബന്ധുക്കളെയൊന്നും കാണാന്‍ കഴിയില്ലേ ?"
"ബന്ധുക്കളൊക്കെ മരിക്കുന്നതുവരെ മാത്രം . അവരുടെ സമാധാനത്തിന് അവര്‍ ബലിയിടും . അതുതന്നെ പലപ്പോഴും മരിച്ചവരുടെ ആത്മാവ് ശല്യപ്പെടുത്തുമോ എന്ന ഭയം‍കൊണ്ടാകും . അതോടെ പലപ്പോഴും ആ അദ്ധ്യായം അവസാനിക്കും ."
"നാല്പത്തിയൊന്ന് "
"വേഗം ചെല്ലൂ. നിങ്ങളെയാണ് വിളിക്കുന്നത്."നാലഞ്ചുപേര്‍ ഇരിക്കുന്നുണ്ട്. പേരുംനാളുമൊക്കെ ചോദിച്ചുകഴിഞ്ഞപ്പോള്‍ ഭയം തുടങ്ങി. ഇനി വിധിപ്രഖ്യാപനമാണല്ലോ .
"ആത്മഹത്യക്കുറ്റമാണ് നിങ്ങളുടെ പേരിലുള്ളതെങ്കിലും അതിലുംവലിയ ഒരു കുറ്റം നിങ്ങളുടെ അക്കൌണ്ടില്‍ കാണുന്നു . നിങ്ങള്‍ മൂന്നുപെണ്‍കുട്ടികളെ വിവാഹവാഗ്ദാനം നല്കി മോഹിപ്പിച്ചുവഞ്ചിച്ചു . നിങ്ങളെ ഭൂമിയിലേക്ക് ചുഴറ്റിയെറിയാനും ഗതികിട്ടാത്ത ആത്മാവായി മുന്നൂറുവര്‍ഷം കഴിയാനും വിധിച്ചിരിക്കുന്നു . മുന്നൂറുവര്‍ഷത്തെ നരകവാസം സോറി ഭൂമിവാസം കഴിഞ്ഞ് ബാക്കികാര്യങ്ങള്‍ തീരുമാനിക്കുന്നതായിരിക്കും ."
"പൊറുക്കണേ. ഭൂമിവാസം എന്നത് നരകവാസമാക്കി ശിക്ഷയില്‍ ഇളവുതരാന്‍ കനിവുണ്ടാകണേ"
"ഇയാളെ ഭൂമിയിലേക്ക് ചുഴറ്റിയെറിയൂ"പറഞ്ഞുതീരേണ്ടതാമസം , എന്തൊരേറാണെറിഞ്ഞത് . അതിവേഗത്തില്‍ ഭൂമിയിലേക്ക് പതിക്കുകയാണല്ലോ . എവിടെയെങ്കിലും ഒന്നുപിടിക്കാന്‍ കഴിഞ്ഞെങ്കില്‍ . ഹാവൂ . ഒരുമരക്കമ്പുതടഞ്ഞല്ലോ . ഇതില്‍ മുറുകെപ്പിടിക്കുകതന്നെ . മരം തന്നെപ്പിടിച്ച് തള്ളുന്നു. ഇതെന്തത്ഭുതം ! പരലോകത്തെ മരമായിരിക്കും . അയ്യോ, മരത്തിന്‍റെ ചവിട്ടിനെന്തുശക്തി . ഇതാ പേമാരിയും വരുന്നു. കൊടുങ്കാറ്റുമുണ്ടെന്നുതോന്നുന്നു .ശക്തിയായി കുലുങ്ങുന്നു. ഭൂമിയിലേക്ക് വീണുവെന്നുതോന്നുന്നു .
"എടോ മനുഷ്യാ, താനാളെക്കൊല്ലാനിറങ്ങിയിരിക്കുകയാണോ ? "എവിടുന്നാണൊരാക്രോശം ? ഒരുസ്ത്രീയുടെ ശബ്ദം . കണ്ണുതുറന്നു. ഒരു മുറിയാണ്. താഴെ തറയില്‍ താന്‍ കിടക്കുന്നു . പരലോകത്തുനിന്നും താന്‍ വന്നുവീണത് ഈ സ്ത്രീയുടെ മുറിയിലായിരിക്കും . പാവം , രാത്രി തന്‍റെ കിടപ്പുമുറിയില്‍ ഒരു പുരുഷന്‍ കിടക്കുന്നതുകണ്ടാല്‍ ഏതു സ്ത്രീയാണ് ബഹളം കൂട്ടാതിരിക്കുക . പെട്ടെന്നാണോര്‍മ്മവന്നത്. മൂന്നുസ്ത്രീകളെ വഞ്ചിച്ചതിനാണ് ഇപ്പോഴീശിക്ഷ . ഇനി ഇതുകൂടിയായാല്‍ നാനൂറുവര്‍ഷമാകും .
"പെങ്ങളേ, അറിയാതെ പറ്റിയതാണ് . കഴിഞ്ഞതിലൊക്കെ പശ്ചാത്താപമുണ്ട്. ഇനിയൊരുപെണ്ണിനേയും ഞാന്‍ വഞ്ചിക്കില്ല ."
"നിങ്ങളൊന്നെഴുന്നേറ്റേ എന്‍റെ മനുഷ്യാ ."പെട്ടെന്നാണ് സ്ഥലകാലബോധമുണ്ടായത്. ഇതുതന്‍റെ കിടപ്പുമുറിയാണല്ലോ . ഭാര്യ കലിതുള്ളിനില്ക്കുന്നുണ്ട് .
"ഞാനിവിടെ ?"
"ഓ! കഴുത്തിനുപിടിച്ചത് മുറുകിയപ്പോള്‍ ശ്വാസം കിട്ടാതായി . കട്ടിലില്‍നിന്ന് വീഴുമെന്ന് കരുതിയില്ല . "
"നാളെ ജോലിക്ക് ആളുകളെ ഇന്‍റര്‍വ്യൂ ചെയ്യാനുള്ളതല്ലേ . ഓരോന്നാലോചിച്ചുകിടന്ന് ഒരിന്‍റര്‍വ്യൂ സ്വപ്നം കണ്ടതാ . ചുമ്മാ ക്ഷമിച്ചേക്ക്."
"അതൊക്കെ പോകട്ടെ , കഴിഞ്ഞതില്‍ പശ്ചത്താപമുണ്ടെന്നും ഇനിയൊരുപെണ്ണിനേയും വഞ്ചിക്കില്ല എന്നും പറഞ്ഞല്ലോ . ആരെയൊക്കെയാണ് ഇതുവരെ വഞ്ചിച്ചത് ?" ഈ ചതി എന്നോടുവേണമായിരുന്നോ കാലാ !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ