ദൈവം

ദൈവം

രക്ഷിപ്പൂ ദൈവമെന്നും ഭുവനമഖിലവും

ചൊല്ലിമുത്തശ്ശിയന്ന്

ചൊല്ലീഞ്ഞാനേവരോടും മനമിതിലുളവാ -

കേണമാ സത്യമെന്നും

ക്ഷേത്രത്തില്‍ പൂട്ടിയിട്ടൂ ജഗദധിപതിയേ -

യെന്നറിഞ്ഞൊട്ടു വൈകി

ദൈവത്തിന്‍ രക്ഷണാര്‍ത്ഥം അടിപിടി കൊലയും

ചെയ്തുപോകുന്നു മര്‍ത്ത്യന്‍

ലോകത്തിന്‍ രക്ഷയല്ലേ പരമപുരുഷനും

ചെയ്തു പോരുന്നു നിത്യം

ദൈവത്തിന്‍ രക്ഷിതാവോ മനുജരഖിലവും

ക്ഷേത്രരക്ഷക്കൊരുങ്ങാന്‍

വിശ്വം വ്യാപിച്ചു വാഴും അണുവിലുമുളവാം

തത്വമെന്തെന്നറിഞ്ഞോ

പോരാടീടുന്നു മര്‍ത്യന്‍ അനുദിനമുലകില്‍

ദേവസംരക്ഷണാര്‍ത്ഥം .